РЕГИОНАЛНАТА ХИТ КОМЕДИЈА – „ЃУРОЛОГИЈА“ – ДОАЃА ВО СКОПЈЕ
Проверете зошто претставата „Ѓурологија“ е најгледаната претстава во целиот
регион! „Ѓурологија“ доаѓа на 13 октомври 2022 година во Скопје во Дом на
АРМ.
Со својот препознатлив босански шарм и долгогодишното актерско искуство,
што особено се отсликува во неговите култни проекти „Топ листа надреалистa“
и „Аудиција“, Бранко Ѓуриќ Ѓуро преку „Ѓурологија“ навистина го дава
најдоброто од себе.
Еден вид (анти)стенд ап шоу „Ѓурологија“, како што сака да го нарече самиот
Ѓуро, е всушност збирка од неговите интимни размислувања и погледи на
животот, кои ги раскажува на искрен и урнебесен начин, одржувајќи ја
публиката воодушевена. и речиси со непрекинато смеење.
Харизматичниот сараевчанец со холивудска и интернационална кариера како
актер, режисер, кантавтор и рок музичар, Бранко Ѓуриќ Ѓуро во „Ѓурологија“
навистина ги обединува сите негови уметнички улоги и на публиката и
претставува неспоредливо шоу од 90 минути!
Бранко Ѓуриќ Ѓуро со својата авторска претстава „Ѓурологија“ руши рекорди на
гледаност во светот на театарот и стенд ап комедијата на нашите простори!
„Ѓурологија“ е одиграна повеќе од 450 пати во својата историја и ја виделе
преку 350.000 посетители, а сè уште продолжува да ја воодушевува публиката
и да ги полни салите низ целиот регион. Затоа не пропуштајте уште еден
незаборавен настап на Бранко Ѓуриќ Ѓура со почеток во 20 часот.