+389 (0)2 3080 111 info@karti.com.mk



Ben Klock

октомври

20

600 мкд

22:00

СРЦ Кале



Ben Klock во Скопје!

 

Ben Klock е името кое речиси една декада е на врвот од листата на најдобри диџеи во светот, што секоја година се објавува од страна на Resident Advisor - најреномираниот интернет магазин на денешницата. Неговиот пат кон светската слава и успех започнува во 2005та година, кога ја добива својата резиденција во култниот клуб Berghain. 

Долгогодишната соработка со оваа техно институција има дополнителна улога во неговата кариера што го чини еден од најбараните техно диџеи и продуценти на денешницата.
Многумина што ја имале таа можност да бидат на неговите настапи, се и самите сведоци за шареноликоста во неговиот избор на траки. Иако стилот на музиката кој тој го презентира е техно и честопати се смета за стил кој нема многу емоции, талентот и искуството со кој Ben Klock ја презентираа оваа музика, ги поместува границите и ги руши стеретипите за техното како музички жанр.

Уште во самите почетоци тој претпочита неговите сетови да бидат маратонски каде што може комплетно да ги претстави своите атрибути како музички селектор, а воедно и технички добро поткован диџеј. Без разлика на должината на сетовите и местата каде што Ben Klock настапува почнувајки од мали клубови па се до огромни фестивали, Ben многу лесно успева да се адаптира. 
Следствено на ова може да заклучиме дека една од најслушаните компилации “Fabric 66“ издадена во 2012, и наградата за најдобар микс за 2015та година на BBC Radio 1 “Essential Mix” ги потврдуваат неговите квалитети што може еден диџеј да ги поседува.


Моментално во неговиот фокус се бројните настапи низ целиот свет што го оставаат со малку време за продукција, но еден од најбитните моменти како продуцент ги достигнува кога започнува да издава за лејблот Ostgut Ton и остварува бројни соработки со Marcel Dettmann. Покрај бројните изданија посебен успех остварува со сплит-синглот “Dawning” заедно со Dettmann и една од највртените траки “SubZero” која доаѓа од изданието “ Before One Ep” како и “Compression Session”.

Покрај неговиот успех како продуцент со споменатите синглови, музичките критичари сметаат дека неговиот албум “One” издаден во 2009та година, најдобро ги отсликува и ги дефинира неговите извонредни вештини како продуцент. Албумот се впишува како едно од највлијателните изданија што ја редефинираат поновата генерација на техно артисти и продуцент и ја менува перцепцијата на звукот на самиот техно правец. Во прилог на неговите продуцентски способности тој се истакнува исто така и како ремиксер на многу познати продуценти како што се Kerri Chandler, Depeche Mode, Kenny Larkin, Robert Hood и многу други. 

Klockworks е личен лејбл што Ben Klock го основа во 2006та година, каде што музичкиот концепт се менува во склоп со модерниот техно и минимал звук што го диктира музичката индустрија. Претставува совршена алатка каде што може да промовира таленти и разновидна концептуална продукција, додека свои почетоци на овој лејбл имаат и етабелирани артисти како што се Trevino,DVS1, Etapp Kyle и др. Константниот подем на овој лејбл се темели на бројните настапи што ги остваруваат низ фестивалите ширум светот односно, Лондон, Њу Јорк, Барселона, Детроит, Берлин.